Ўзбекистон автомобил ва дарё транспорти агентлиги Жиззах вилоят ҳудудий бўлимининг йиғилиш бўлиб ўтди.

Ўзбекистон автомобил ва дарё транспорти агентлиги Жиззах вилоят ҳудудий бўлимининг йиғилиш бўлиб ўтди. Жорий йилнинг 4 февраль куни Жиззах вилоят касаба уюшма   ташкилотлари бирлашмаси кенгаши  мажлислар залида Ўзбекистон автомобил ва дарё транспорти агентлиги Жиззах вилоят ҳудудий бўлимининг 2015 йилда амалга оширилган ишлар ҳисоботи ва   2016 йилга вазифаларга бағишланган йиғилиши бўлиб ўтди. Йиғилишда ҳудудий бўлими бошлиғи И.Боқиевнинг Агентлик томонидан 2015 йилга амалга оширилган ишлар ва 2016 йилги вазифалар тўғрисидаги маърузаси тингланди. Маъруза муҳокамаси юзасидан Жиззах вилояти транспорт, йўл ва капитал қурилиш, қурилиш индустрияси ходимлари бирлашган касаба уюшма қўмитаси раиси Ғ.Эргашев сўзга чиқиб, касаба уюшмасининг меҳнаткашларга кўрсатадиган юридик маслаҳатлари, уларга дам олишларини ташкил қилиш, фарзандлари ва ота-оналарига йўлланмалар ажратилишидаги афзалликлар, жамоа шартномалар тузишдаги амалий ёрдам бершлиги тўғрисида батафсил гапириб берди. Йиғилиш иштирокчиларидан тушган саволларга жавоб берди. Умумий йиғилишда автотранспорт корхоналарининг касаба уюшмасига жалб қилиниши бўйича тегишли қарор қабул қилинди.