2013-2015 йилларга имзоланган жамоа шартномасининг 2015 йилда бажарилиши якунларига бағишланган конференцияси бўлиб ўтди.

2016 йил 16 феврал куни Пахтакор қишлоқ хўжалик касб-ҳунар коллежи маъмурияти ҳамда жамоасининг  2013-2015 йилларга имзоланган  жамоа шартномасининг 2015 йилда  бажарилиши якунларига бағишланган конференцияси бўлиб ўтди. Конференцияга коллеж бошланғич касаба уюшмаси қўмитаси раиси С. Қаршиев раислик қилди. Конференция кун тартибига кўра жамоа шартномасини имзолаган томонлар (коллеж директори И.Рахматуллаев ва касаба уюшма қўмитаси раиси С.Қаршиев) ҳисоботлари тингланди. Шундан сўнг  конференция қатнашчилари жамоа шартномасининг бажарилишини назорат қилиш комиссияси (комиссия раиси Ғ.Исроилов)  далолатномаси билан таништирилди. Жамоа шартномасининг 2015 йил давомида бажарилиши юзасидан музокараларида сўзга чиққанларнинг билдирган фикр ва мулоҳазалари асосида жамоа шартномасининг бажарилиши қониқарли деб топилди. Шунингдек, йиғилиш кун тартибига асосан коллеж маъмурияти ва жамоаси ўртасидаги янги 2016-2018 йилларга мўлжалланган жамоа шартномаси лойиҳаси конференция иштирокчилари томонидан томонидан берилган таклиф ва эътирозлар инобатга олган ҳолда бир овоздан маъқулланди. Йиғилиш сўнгида коллеж маъмурияти ва касаба уюшмаси томонидан коллеж фаолиятини яхшилаш ишларида фаол қатнашган бир неча касаба уюшма аъзолари қимматбаҳо совғалар ва фахрий ёрлиқлар билан тақдирландилар. Конференция ишида Ўзбекистон касаба уюшмалари Федерацияси кенгаши меҳнаткашларни ижтимоий-иқтисодий манфаатларини ҳимоя қилиш бўлими мудири М.Исаев иштирок этди ва сўзга чиқди. Шунингдек, йиғилишда вилоят касаба уюшма ташкилотлари бирлашмаси кенгаши бўлим мудири И.Турсунов ҳамда Агросаноат мажмуаси ходимлари касаба уюшмаси Республика кенгаши вилоят бўйича масъул ташкилотчиси А.Турсуновлар қатнашдилар.