2021 йилги болаларни соғломлаштириш ва дам олдириш мавсуми ташкилотчиларининг Жиззах вилоят Анжумани тўғрисида

2021 йилнинг 10 сентябр куни Ўзбекистон касаба уюшмалари Федерациясининг Жиззах вилоят Кенгаши мажлислар залида болаларни соғломлаштириш ва дам олдириш мавсуми ташкилотчиларининг вилоят Анжумани бўлиб ўтди.

Байрамона безатилган залда ёзги дам олиш оромгоҳларида фаолият юритган тўгараклар кўргазмаси, 2021 йилги соғломлаштириш жараёнини, жорий йилда қилинган ишларни акс эттирувчи стендлар жойлаштирилди ва сахнада Анжуман номи акс эттирилди.

Жами 12 та номинациялар бўйича ғолибларни Ўзбекистон касаба уюшмалари Федерациясининг Жиззах вилоят Кенгаши раиси, вилоят Мувофиқлаштирувчи гуруҳ раиси ўринбосари Н.Пардаев, Вилоят Ички Ишлар Бошқармаси бошлиғи ўринбосари Ж.Авазов, вилоят Соғлиқни сақлаш бошқармаси бошлиғи ўринбосари Г.Хайдаровалар томонидан қимматбаҳо совғалар ва Мувофиқлаштирувчи гуруҳ дипломлари билан тақдирландилар.

Тақдирлаш маросими орасидаги мусиқий танаффусларда болалар гуруҳлари, Анжуман якунида эса мавсум жараёнини акс эттирувчи видеороликлар намойиш этилди ва ғолиб наминантлар иштирокида фото сессиялар ўтказилди.