«Катта ҳаётга – касаба уюшмаси билан»

  Акциядан мақсад Ўзбекистон касаба уюшмалари Федерациясининг Ёшларга оид сиёсати Концепциясида белгиланган ёшлар ўртасида касаба уюшмаси аъзолигига ундовчи омилларни кучайтириш, уларни касаба уюшмалари сафига жалб қилиш бўйича аниқ мақсадли тадбирларни ташкил этиш, уларни касаба уюшмалари тўғрисидаги билим ва кўникмаларини ошириш ҳамда касаба уюшмаларига аъзо бўлиш орқали ёшларнинг муқим иш ўрнига эга бўлиш, келгусида уларни ижтимоий ва ҳуқуқий ҳимояланишини тушунтириш ва тарғибот қилиш эди.

Акция дастурига кўра тадбирни Жиззах политехника олийгоҳи маданий ва аҳлоқий ишлар бўйича проректори Н. Алимов очиб берди. Шундан сўнг олийгоҳ бошланғич касаба уюшма қўмитаси раиси Қ. Такабоевнинг акциянинг мақсад ва моҳияти ҳақида маърузаси тингланди.

Акция тадбирида Жиззах вилоят касаба уюшма ташкилотлари бирлашмаси кенгаши раис ўринбосари А.Ихтиёров қатнашди ва нутқ сўзлади.

Тадбир давомида «Катта ҳаётга – касаба уюшмаси билан»  акцияси дастурига кўра Ёшлар кенгаши томонидан тузилган тарғибот гуруҳлари томонидан акциянинг мақсад ва вазифаларидан келиб чиққан ҳолда тақдимотлар бўлиб ўтди.

Шу билан бирга олийгоҳ жамоатчилик ишларида фоал қатнашаётган талабалар  Ўзбекистон касаба уюшмалари Федерацияси совғалари билан тақдирландилар.

Тадбир сўнггида Политехника институти ёш ҳаваскор саъаткорлари иштирокида маданий тадбир уюштирилди.