Қадим ва навқирон Самарқанд шахрига саёҳат

Ўзбекистон касаба уюшмалари Федерацияси Кенгашининг “Фаол тадбиркорлик, инновацион ғоялар ва технологияларни қўллаб-қувватлаш йили” дастури тадбирлари ҳамда “Касаба уюшмалари болаларга” акцияси доирасида 1 июнь – Халқаро   болалар куни муносабати билан  вилоят касаба уюшма ташкилотлари бирлашмаси Кенгаши томонидан жорий йилнинг 27 май куни Жиззах шахар 29-сонли “Меҳрибонлик уйи”нинг 40 нафар тарбияланувчилари ва 3 нафар ходимларининг Самарканд шахрида саёхати уюштирилди.

Улар қадимий ва новқирон Самарқанд шахрига зиёрат давомида    унинг кўҳна тарихи ва истиқлол йилларида рўй берган бениҳоя катта ўзгаришлари билан танишдилар. Миллатимизниг тарихий  ва маданий мероси объектлари бўлмиш Амир Темур мақбараси, Мирзо Улуғбек расадхонаси, Регистон майдони, Бибихоним масжиди ва Хўжа Дониёр зиёротгоҳи каби бетакрор ва гўзал иншоатлари катта таасурот қолдирди.

Шунингдек, саёҳатчилар Самарқанд шаҳрининг Хазрати Хизир  масжиди  ҳудудидаги  Ўзбекистоннинг  биринчи  Президенти Ислом Абдуғаниевич Каримов қабрини зиёрат қилиб, хотираларини ёд этдилар.