Тошкент вилоятидаги “Занги ота” зиёратгоҳига саёҳат

Ўзбекистон касаба уюшмалари Федерацияси Кенгашининг 2018 йил 25 июлдаги “Ўзбекистон Республикаси давлат мустақиллигининг йигирма етти йиллик байрамига тайёргарлик кўриш ва уни ўтказишда касаба уюшмаларининг иштирок тўғрисида”ги 9-153 “с” сонли қарори асосида Жиззах вилоятида “Азиз ва ягонамсан, жонажон Ўзбекистоним!” деган эзгу ғояни ўзида мужассам этган ташкилий-амалий ва маданий-маънавий тадбирлар бошлаб юборилди.

Ушбу тадбирлар доирасида Ғаллаорол Агросаноат мажмуи ходимлари касаба уюшмаси туман кенгаши ташкилотчилигида тизимда  мехнат қилиб келаётган 30 нафар ходимларнинг Тошкент вилояти Зангиота туманидаги “Занги ота” зиёратгоҳига саёхати уюштирилди.

Улар қадимий зиёратгоҳ тарихи ва истиқлол йилларида рўй берган бениҳоя катта ўзгаришлари билан танишдилар. Миллатимизниг тарихий  ва маданий мероси объектлари бўлмиш “Занги ота” масжиди ва унинг атрофида қурилган қадимий, бетакрор ва гўзал иншоотлар уларда катта таасурот қолдирди.

Шунингдек, саёҳатчилар Тошкент шахридаги Мустақиллик майдони ва Алишер Навоий ҳиёбонига бориб, саёҳатларини давом эттирдилар.