«Jizzakh Textile» хорижий корхонасида янги иш ўринлари очилди

Жиззах шаҳридаги “Jizzax textile” маъсулияти чекланган жамият шаклидаги хорижий корхонада бугунги кунда 780 га яқин ишчи ходимлар меҳнат қилишади. Ишловчиларни қарийиб 70 фоизидан ортиғи ёшларни ташкил қиладиган ушбу корхонада Давлат дастурига асосан, янги лойиҳаларни амалга ошириш мақсадида корхонда 155 нафар ходимга мўлжалланган  ип калава ишлаб чиқариш цехи ишга туширилди.

Цехга  Европанинг еткачи давлатларидан бири бўлган Германияда ишлаб чиқарилган юқори технологиялари асосида автоматик тарзда ишловчи “Blendomat BO-A2300/35M” маркали ип йигирув машина ва ускуналари    ўратилди.

Цехнинг биносида  ишчи ходимлар учун қулай меҳнат шароитлари яратилган. Жумладан: Овқатланиши учун ошхона, кийим алмаштириш (гардиробная), қўл ювиш, ювиниш хонлари,  аёллар ва эркаклар учун алоҳида  ҳожатхона, хотин-қизлар учун гигена хонаси, меҳнат муҳофазаси бўйича ўқув хонаси  ташкил этилган.

Цехда янги иш бошлаган ишчи ходимлар учун бевосита цехнинг ўзида Жиззах вилоят касаба уюшма ташкилотлари бирлашмаси Кенгашининг меҳнат муҳофазаси ва хавфсизлиги хизмати бўлими мудири И.Жабборов, Жиззах вилоят тармоқ масъул ташкилотчиси М.Қулбоев, Жиззах шаҳар тармоқ кенгаши раиси К.Ҳақбердиевлар билан биргаликда меҳнат муҳофазаси ва хавфсизлик техникаси қоидаларига риоя этилиши юзасидан тушунтиришлар берилди.