Тиббиётчиларга тушунтирилди

Жиззах вилояти касаба уюшма ташкилотлари бирлашмаси томонидан вилоят “Маънавият ва маърифат” маркази биносида “Иш берувчилар томонидан меҳнат қонунчилигига риоя этилиши, муаммо ва камчиликлар” мавзусида ўқув-семинар ўтказилди. Унда вилоят соғлиқни сақлаш тизимига  тегишли муассасалар раҳбарлари, ходимлар бўлими бошлиқлари, иқтисодчилар, касаба уюшма қўмиталари раислари ва меҳнат муҳофазаси бўйича мутахассислар иштирок этишди.

Семинарда Ўзбекистон Соғлиқни сақлаш ходимлари касаба уюшмаси Республика Кенгаши ходимлари – меҳнат муҳофазаси бўйича бош мутахассис Зафар Алиев, ижтимоий масалалар бўйича бош мутахассис Озод Ўралов ва бошқалар сўзга чиқишиб, кун тартибидаги мавзу бўйича иштирокчиларга қизиқарли маълумот ва тушунтиришлар беришди.