Жиззах вилоят касаба уюшмалари ташкилотлари бирлашмаси кенгашининг раёсат йиғилиши ўтказилди

Жорий йилнинг 27 май куни Жиззах вилоят касаба уюшмалари ташкилотлари бирлашмаси кенгашининг раёсат йиғилиши бўлиб ўтди. Раёсат йиғилишда вилоят бирлашмаси кенгаши раёсат аъзолари, шаҳар, туман тармоқ касаба уюшма кенгашлари, бирлашган касаба уюшма қўмиталари раислари, вилоят кенгаши бўлим мудирлари, ҳисобчилари, йирик ташкилотларнинг бошланғич касаба уюшма қўмита раислари иштирок этишди.

Йиғилишда Ш.Рашидов ва Зафаробод туман  касаба уюшмалари тармоқ кенгашлари, бошланғич касаба уюшмалари қўмталари фаолиятларини комплекс ўрганиш ҳамда уларга амалий ёрдам кўрсатиш натижалари тўғрисида, Ўзбекистон касаба уюшмалари Федерацияси Кенгашининг 2019 йил 29 мартдаги 12-3 сонли “2018 йил якуни бўйича Ўзбекистон касаба уюшмалари Федерацияси Кенгаши касаба уюшма бюджетининг ижроси тўғрисида”ги раёсат қарори хақида, Жамоа шартномаларининг 2018 йилда бажарилишига оид 2-ЖШ шакли бўйича хисоботлар якуни тўғрисида, Бирлашма кенгашининг 2018 йил 15 мартдаги 11-1 сонли “Вилоятдаги туман, шаҳар касаба уюшмалари тармоқ кенгашлари, тиббиёт бирлашмалари ва йирик касаба уюшмалари қўмиталари фаолиятларини комплекс ўрганиш ҳамда уларга амалий ёрдам кўрсатиш тўғрисида”ги раёсат қарорининг бажарилиши ҳақида.

Асосий масала юзасидан бирлашма кенгашининг 2019 йил учун тасдиқланган иш режасига асосан жорий йилнинг февраль-март ойларида Ш.Рашидов ва Зафаробод туман  касаба уюшмалари тармоқ кенгашлари, тизимидаги бошланғич касаба уюшмалари қўмиталарининг фаолиятлари комплекс ўрганиб чиқилди. Даставвал уларга бирлашма масъул ходимлари томонидан касаба уюшмаларининг барча йўналишлари бўйича амалий ёрдамлар кўрсатилди. Ўрганиш жараёнида касаба уюшмалари туман тармоқ кенгашлари, бошланғич ташкилотларнинг баъзи йўл қўйилган хато-камчиликлари жойида бартараф этилишига эришилди.

Ҳар иккала туманидаги  тармоқ касаба уюшмаси туман кенгашлари  ва бошланғич ташкилотларини олиб бораётган ижобий фаолиятлари келтириб ўтилганлиги сабабли қуйида уларнинг йўл қўйилган хато-камчиликлари кўрсатиб ўтилди. Шунингдек, бошқа масалалар атрофлича мухокама этилиб, тегишли қарорлар қабул қилинди.