Меҳрибонлик уйи тарбияланувчилари ҳолидан ҳабар олинди

Ўзбекистон касаба уюшмалари Федерациясининг ёшларга оид давлат сиёсатини амалга оширишга қаратилган чора-тадбирлар Дастури ижроси ҳамда “1-июн – Халқаро болаларни ҳимоя қилиш куни” муносабати билан Жиззах вилоят касаба уюшмалари ташкилотлари бирлашмаси Кенгаши томонидан “Касаба уюшмалари – болаларга” акцияси доирасида кўплаб тадбирлар ўтказилмоқда.

Жорий йилнинг 3 июн куни Жиззах вилоят касаба уюшмалари ташкилотлари бирлашмаси Кенгашининг маданий-маърифий ва спорт ишлари бўлими мудири Ш.Бахриддинов, Ёшлар масалалари бўйича раис маслаҳатчиси М.Абдурахмонов ҳамда Жиззах давлат педагогика институтининг фаол талабалари иштирокида Жиззах шаҳридаги №29-сонли Меҳрибонлик уйининг 102 нафар тарбияланувчилари ҳолидан ҳабар олинди.

Ташриф давомида Меҳрибонлик уйи раҳбарияти билан барча тарбияланувчиларни жорий йилнинг 15 июн кунидан болалар соғломлаштириш оромгоҳида дам олдирилишга келишиб олинди.

Ташриф буюрган меҳмонлар болажонларнинг кун тартиби, бўш вақтларида шуғулланишлари учун ташкил этилган тўгараклар фаолияти билан яқиндан танишдилар ҳамда уларга келажакда кучли ва иродали бўлишлари учун тавсиялар бериб, Ватанимиз равнақи учун ҳисса қўшадиган кадрлар бўлиб етишишларига умид билдиришди.