Экотуризм

Жорий йилнинг 5 ноябрь куни Ўзбекистон касаба уюшмалари Федерациясининг Жиззах вилоят Кенгаши томонидан бир гуруҳ ёшлар кенгаши аъзоларининг Янгиобод тумани тоғли ҳудудлари табиатига экологик саёҳати уюштирилди.

11 ноябрь – “Ўзбекистон касаба уюшмалари куни” байрами муносабати билан ташкил этилган ушбу саёҳатда иштирок этган 20 нафар ёш йигит-қизлар туманнинг гўзал табиати билан яқиндан танишишди ва мароқли хордиқ чиқаришди. 

Шунингдек, уларда туман ҳудудида жойлашган “Хўжамушкент ота”  зиёратгоҳи ва “Ҳавотоғ” санаторийсида меҳнаткашларга яратилган қулай шароитлар катта таасуротлар қолдирди.