Ўзбекистон касаба уюшмалари Федерациясининг Жиззах вилоят Кенгаши томонидан тармоқлар ўртасида мини-футбол бўйича мусобақа ўтказилди

Ўзбекистон касаба уюшмалари Федерациясининг Жиззах вилоят Кенгаши томонидан Федерацияси тасарруфидаги Жисмоний тарбия ва спорт соғломлаштириш ишлари бошқармаси-унитар корхонаси билан ҳамкорликда 2023 йилнинг 23 июнь куни  Жиззах шахридаги “Футбол Академияси” спорт мажмуасида мини-футбол бўйича  “Касаба уюшма КУБОГИ” учун тармоқлараро мусобақалар ўтказилди.

Ўз олдига касаба уюшма ходимларининг соғлигини мустахкамлаш, уларнинг мехнат фаолияти натижадорлигини ҳамда  спортнинг мини-футбол турига бўлган қизиқишларини янада оширишни мақсад қилиб қўйган ушбу мусобақаларда касаба уюшма ходимларидан иборат 8 та мини-футбол жамоалари иштирок этишди.

Қизғин ва муросасиз тўқнашувлар остида, шу билан бирга дўстона мухитда ўтган ушбу мусобақаларда 3-ўринни “Маданият, спорт ва туризм”, 2-ўринни “Таълим ва фан” ҳамда 1-ўринни “Агросаноат мажмуи” ходимлари касаба уюшмасининг мини-футбол гуруҳлари эгаллашди.

Ташкилотчилар тақдим этган тушлик пайтида мусобақа ғолибларига дипломлар, эсдалик совғалари ҳамда “Касаба уюшма КУБОГИ” тантанали равишда ўз эгаларига топширилди.