Болалар оромгоҳга кузатилди

Ўзбекистон касаба уюшмалари федерацияси Жиззах вилояти кенгашида ёзги таътилга чиққан 135 нафар ўқувчини Шароф Рашидов туманидаги «Energy» болалар оромгоҳига кузатиш маросими бўлиб ўтди. Оромгоҳга йўл олаётган вояга етмаганлар ва уларнинг ота-оналари иштирокида кечган тадбирда мавсум давомида болаларнинг вақтини мазмунли ташкил этиш мақсадида амалга ишлар ҳақида сўз юритилди.

Шундан сўнг болалар жамоат транспортларида йўл ҳаракати хавфсизлиги ходимлари кузатуви остида йўлга чиқдилар. Маълумот ўрнида айтиш керак, вилоятдаги 9 та болалар соғломлаштириш оромгоҳларининг 3 таси, хусусан, Зомин туманидаги 150 ўринли “Юлдузча”, Шароф Рашидов туманидаги 135 ўринли «Energy» ҳамда 135 ўринли Шароф Рашидов номидаги болалар оромгоҳлари касаба уюшмаларига қарашли.