Оилавий спорт мусобақаларининг вилоят босқичи бўлиб ўтди

Ўзбекистон касаба уюшмалари федерацияси Кенгаши томонидан ташкил этилган корхона, ташкилот ва муассасаларда фаолият кўрсатаётган мехнаткашлар ва уларнинг оила аъзолари ўртасида “Соғлом оила” шиори остида ўтказилаётган мусобақаларнинг I – босқичида жорий йилнинг июнь-июль ойларида вилоятнинг барча шахар ва туманларидаги  532 та корхона, ташкилот ва муассасаларидан 2980 та оилалар иштирок этишди.

Муросасиз ва айни пайтда дўстона муҳитда ўтган ушбу мусобақаларда ғолиб чиққан 13 та оилавий гуруҳлар спортнинг 8 та тури бўйича жорий йилнинг 2 август куни Жиззах шахридаги 16-сонли умумтаълим мактаби спорт мажмуасида  мусобақанинг вилоят босқичида куч синашдилар.

Вилоят мусобақаларида иштирок этган 25 та оиланинг 75 нафар аъзолари ўртасида кечган қизғин бахсларда Пахтакор туман 17-умумтаълим мактаби хўжалик мудири Рустам Соатов ва Жиззах туман 34-умумтаълим мактаби ўқитувчиси Шухрат Исломовлар оилалари ғолиб деб топилди ва уларга мусобақаларнинг республика босқичига йўлланмалар берилди.

Мусобақа ғолиблари ва ташкилотчилари муносиб рағбатлантирилди.