2015 йилги болаларни дам олдириш ва соғломлаштириш мавсуми якуни.

2015 йилнинг 20 августида Вилоят касаба уюшма ташкилотлари бирлашмаси Кенгашига қарашли Ш.Рашидов номли болалар оромгоҳининг олтинчи босқичида дам олган болалар ўзларининг севимли оромгоҳлари билан хайрлашишди.

  Сўлим “Уобсой” қишлоғида жойлашган  100  ўринли замонавий  оромгоҳда ўтган 2014 йилги мавсумда 5 босқичда 460 нафар мактаб ўқувчилари соғломлаштирилган бўлса, 2015 йилнинг ёзги мавсумида жами 602 нафар болалар дам олдирилиб, белгиланган  режа 150,5 фоизга бажарилди.

Жорий йилда вилоятда фаолият кўрсатган 12 та стационар оромгоҳлардан ёзги мавсумнинг учинчи босқичида 9 та, тўртинчи босқичида 5 та, бешинчи босқичида 3 та ва олтинчи босқичда 1 та оромгоҳ тўлиқ фаолият кўрсатди.

Вилоят бўйича ёзги дам олиш мавсуми якунида шаҳар ташқарисидаги оромгоҳларда 4845 нафар болалар дам олдирилиб, режадаги  4200  нафарга  нисбатан  бажарилиши  115,4  фоизни  ташкил  этди.