“Бетакроримсан, ягонасан, она Ватаним – Ўзбекистоним!”

Ўзбекистон касаба уюшмалари Федерацияси Кенгаши Раёсатининг 2015 йил 23 июльдаги “Ўзбекистон Республикаси давлат мустақиллигининг йигирма тўрт йиллик байрамига тайёргарлик кўриш ва уни ўтказиш тўғрисида”ги  22-8 сонли қарори билан тасдиқланган дастурга асосан байрам арафасида вилоятнинг барча худудларида “Бетакроримсан, ягонасан, она Ватаним – Ўзбекистоним!”  деган эзгу ғояни ўзида мужассам этувчи туркум маданий-маънавий тадбирлар ўтказилди.

Бирлашма Кенгашида ўтказилган тадбирга 50 нафар ёлғиз ва ижтимоий ҳимояга муҳтож кексалар, 7 нафар ногиронлик аравачаларига мухтож кекса ва ногиронлар, 7 нафар олий ва ўрта маҳсус ўқув юртларида таҳсил олаётган  иқтидорли, фаол талабалар, 4 нафар мустақиллик йилларида хизмат бурчини бажариш вақтида ҳалок бўлган ҳарбий хизматчилар ва ички ишлар органлари ходимлари  оилаларининг вакиллари таклиф этилди.

Вилоят касаба уюшма ташкилотлари бирлашмаси Кенгашининг раиси Н.Пардаев давлат мустақиллигининг 24 йиллик байрами билан йиғилганларни табриклади ва Республикамизда амалга оширилаётган кенг кўламли ислоҳатлар, қўлга киритилган ўлкан ютуқлар, Ватанимизнинг халқаро майдонда обрў-эътибори ортиб бораётганлиги тўғрисида сўз юритди.

Йиғилганларга Федерация Кенгашининг электр-маиший техника жихозлари, ногиронлик аравачалари, касаба уюшмалари стипендиялари ва моддий ёрдам пуллари тантанали топширилди.

Сўзга чиққан кексалардан Қулжонов Бахриддин ва Шокиров Мамаюсуфлар Президентимиз И.А.Каримовга тинч ва осуда хаёт учун, хар-бир инсонга карата кўрсатаётга ғамхўрлиги учун ўз минатдорчиликларини билдиришди. Шунингдек касаба уюшмалари томонидан шу каби кўпдан-кўп тадбирлар орқали кўрсатилаётган эътибори ва беғараз ёрдамини таъкидлашди.

Зомин тумани “Ём” қишлоғида жойлашган “Мурувват уйи” да ўтказилган байрамона тадбирда санъаткорларнинг чиқишлари ташкил этилди, “Мурувват уйи”га касаба уюшмаларининг 2.2 млн. сўмлик кийим-кечак ва пойабзал буюмлари ва битта ногиронлик аравачаси берилди.

Жами вилоят шахар ва туманларида ҳокимликлар, “Махалла” хайрия жамоат фонди бўлимлари билан ҳамкорликда “Касаба уюшмалари – фахрийларга” акцияси доирасида 212 нафар ёлғиз ва ижтимоий ҳимояга муҳтож кексалар яшаётган оилаларга электр-маиший техника товарлари, 20 нафар кекса ва ногиронларга  ногиронлик аравачалари, “Касаба уюшмалари – талабаларга” акцияси доирасида 18 нафар олий ва ўрта маҳсус ўқув юртларида таҳсил олаётган  иқтидорли, фаол талабаларга касаба уюшмаси стипендиялари топширилди,  “Ватан фидойи фарзандларини унутмайди” акцияси доирасида  мустақиллик йилларида хизмат бурчини бажариш вақтида ҳалок бўлган 4 нафар ҳарбий хизматчилар ва ички ишлар органлари оилаларига етказиб берилди.