Ўқув семинар

Жорий йилнинг 19 ноябр  куни Жиззах вилоят истеъмол товарлари ишлаб чиқариш, савдо ва хизмат кўрсатиш ташкилотлари ходимлари касаба уюшмаси тизимидаги  “Энг намунали бошланғич ташкилот-2015” кўрик танлови вилоят босқичида фахрли 1-ўрини ва Республика тармоқ касаба уюшмалари орасида фахрли 3-ўринни эгаллаган “Жиззах -пластекс”МЧЖ да ғолиб фаолиятини оммалаштириш ва улар базасида бошланғич касаба уюшма ташкилотларига амалий ёрдам кўрсатишни ташкил этиш бўйича ўқув-семинар ўтказилди. Ceминарда Жиззах вилоят касаба уюшма ташкилотлари бирлашмаси кенгашининг ташкилий  ишлар, юридик, мехнатни мухофаза қилиш бўлим мудирлари ва истеъмол товарлари ишлаб чиқариш савдо ва хизмат кўрсатиш ташкилотлари ходимлари касаба уюшмаси Республика Кенгашининг   Жиззах вилоят бўйича маъсул ташкилотчиси М.Қулбоев, тармоқ шахар кенгаши раиси К.Хақбердиевлар ва тармоқда 40 нафар фаолият кўрсатиб келаётган бошланғич касаба уюшма қўмиталар, янги касаба уюшмаси қўмита раислари хамда нодавлат секторидаги янги қабул қилинган хусусий корхона, фирмалар, якка тартибдаги тадбиркорлар қатнашдилар.Семинарда бирлашма кенгаши бўлим мудирлари ўз йўналишлари бўйича маруза қилдилар.Ўқув-семинар сўнгида иштирокчилар ўзларини қизиқтирган барча саволларга мутахассислар томонидан тўлиқ жавоб олдилар.