“Соғлом оила” оилавий спорт мусобақалари давом этмоқда

Жиззах вилоятида касаба уюшмалари ташкилотлари томонидан ўтказилаётган “Соғлом оила” шиори остида Республика оилавий спорт мусобақаларининг биринчи босқичи нихоясига етмоқда. 30 январ куни Зарбдор туман иқтисодиёт касб-ҳунар коллежи жамоаларининг мусобақаси Болалар ва ўсмирлар спорт мактабида байрамона ташкил этилди. Мусобақа Низомига кўра 8 ёшдан 12 ёшгача фарзанди бўлган оилалар ўртасида 8 та шарт асосида беллашувда 8 та оила иштирок этди. Мусобақа натижаларига кўра Жамол Ширинбоевлар ҳамда Алишер Худойқуловлар оилалари фахрли биринчи ўринни эгаллаб, ушбу мусобақанинг туман босқичида иштирок этиш ҳуқуқини қўлга киритди. Спорт мусобақаси тадбирида туман ҳокимлиги ходими, туман хотин-қизлар қўмитаси раиси, туман ХТМФМТ ва ТЭ бўлими мудири ўринбосари, “Камолот” ЁИҲ туман кенгаши раиси ҳамда Зарбдор шаҳарчаси “Тинчлик” маҳалла фуқаролар йиғинидан жамоатчилик вакиллари иштирок этишди. Шунингдек, Галлаорол тумани 25-сонли умумтаълим мактаби бошлангич касаба уюшма кумитаси томонидан ташкил этилган “Соғлом оила” спорт мусобақаси қизғин ўтди ва К.Ахмедовлар ҳамда Д.Кораевлар оилалари ғолиб деб топилди. Тадбирлар якунида  мусобақада фаол иштирок этган ва ғолибликни қўлга киритган оилавий спорт жамоаларига ташкилотчиларнинг  дипломлари ва  эсдалик совғалари  топширилди.