“Истиқлол ғунчалари”

Ўзбекистон касаба уюшмалари Федерацияси Кенгаши Раёсатининг 2016 йил 20 июлдаги “Истиқлол ғунчалари” кўрик танловини ўтказиш тўғрисида”ги 3-5 сонли қарори асосида вилоятнинг шаҳар ва туманлари маданият ва ахоли дам олиш марказларида фаолият юритиб келаётган болалар бадиий жамоалари ўртасида ўтказилган кўрик-танловнинг шаҳар ва туман босқичлари ғолиблари шу йилнинг 13 октябрь куни Жиззах шаҳрида вилоят босқичига тўпланишди. Жиззах шаҳар 1-сонли болалар мусиқа ва санъат мактаби биносида ўтказилган “Истиқлол ғунчалари”  кўрик-танловининг II – вилоят боскичида  тўққизта шаҳар ва туманлардан келган жами 57 нафар хаваскор ёшлар иштирок этишди. Кўрик-танловда санъат оламига эндигина кириб келаётган иқтидорли юлдузчалардан “Анъанавий ижрочилик” йўналиши бўйича Бозорова Зарнигор Абдусамат қизи, “Эстрада қўшиқчилиги” йўналиши бўйича Тожибоев Лочинбек Пардабой ўғли, якка ва жамоа чолғу ижрочилиги буйича Алиқулов Нурсултон Муродбек ўғли ҳамда якка ва жамо ракси ижрочилиги буйича Сайдувалиева Мунаваралар I-ўринларни эгаллаб, Республика босқичига йўлланма олдилар. Кўрик-танловнинг 1-3 ўринларни эгаллаган ғолиблари касаба уюшмаларининг диплом ва эсдалик совғалари билан тақдирландилар.