“Маънавият соати” ўтказилди

2019 йилнинг 25 октябр куни Жиззах вилоят касаба уюшмалари ташкилотлари бирлашмаси Кенгашининг аппарати ходимлари учун “Истиқлол ва адабиёт” ҳамда “21 октябр – Давлат тили байрами куни” мавзуларида “Маънавият соати” ўтказилди.Ушбу долзарб мавзуни ёритиб бериш учун Жиззах давлат педагогика институтидан таклиф қилинган филология фанлари номзоди, доцент Усмонжон Қосимов ўзбек адабиёти тарихидаги ибратли воқеалар, аянчли ва қийин даврлар, халқимиз севиб ўқиб келаётган шоир ва ёзувчилар ҳаёти ва фаолияти билан боғлик ҳайратга солувчи воқеалар тўғрисида илҳомланиб сўзлаб берди.Тадбир якунида маърузачи тингловчиларни қизиқтирган саволларга атрофлича жавоб қайтарди. Шундан сўнг ходимлар қизиқарли маъруза учун У.Қосимовга ўз миннатдорчиликларини билдиришди.