Қадим ва навқирон Самарқанд шахрига саёҳат

Ўзбекистон касаба уюшмалари Федерацияси Кенгашининг «Халқ билан мулоқат ва инсон манфаатлари йили» дастури тадбирлари ҳамда “Касаба уюшмалари фахрийларга” ва “Касаба уюшмалари аёлларга” акциялари доирасида вилоят касаба уюшма ташкилотлари бирлашмаси Кенгаши томонидан жорий йилнинг 26 март куни 41 нафар фахрийларнинг, меҳнатда ўрнак кўрсатган ва кам таъминланган оилалар аёлларининг Самарканд шахрида саёхати уюштирилди.

Улар қадимий ва новқирон Самарқанд шахрига зиёрат давомида унинг кўҳна тарихи ва истиқлол йилларида рўй берган бениҳоя катта ўзгаришлари билан танишдилар. Миллатимизниг тарихий ва маданий мероси объектлари бўлмиш Имом Ал Буҳорий мажмуаси, Амир Темур мақбараси, Регистон майдони ва Хўжа Дониёр мақбараси каби бетакрор ва гўзал иншоатлари катта таасурот қолдирди.

Шунингдек, саёҳатчилар учун “Шарқ юлдузи” кинотеатрида “Ўзбекфильм” киностудиясининг “Иснод” номли янги кинофильми намойиш этилди.

Саёҳатчилар Самарқанд шаҳрининг Хазрати Хизир масжиди ҳудудидаги Ўзбекистоннинг биринчи Президенти Ислом Абдуғаниевич Каримов қабрини зиёрат қилиб, хотираларини ёд этдилар.