Ш.Рашидов таваллудининг 100 йиллигига бағишланган спортнинг мини-футбол тури бўйича касаба уюшмалари соврини учун ўтказилган “Хотира турнири” ўтказилди

Ўзбекистон Республикаси Вазирлар Махкамасининг 2017 йил 29 апрелдаги 08/1-591-сонли “Атоқли давлат арбоби ва ёзувчи Шароф Рашидов таваллудининг 100 йиллигини нишонлаш бўйича чора-тадбирлар режаси” га асосан Ш.Рашидов хотирасига бағишланган мини-футбол бўйича хотира турнирининг финал-туман босқичи шу йилнинг 15 сентябр куни Жиззах шаҳри марказидаги “Ҳалқлар дўстлиги” шох кўчасида жойлашган мини-футбол спорт майдонлари комплексида ўтказилди.

Мусобақанинг туман  босқичига йўлланма олган 11 та жамоа аъзолари стадионда мусиқа садолари остида саф тортишгандан сўнг очилиш маросимини вилоят касаба уюшмалари ташкилотлари бирлашмаси Кенгаши раиси Н.Пардаев кириш сўзи билан очиб берди ва Ўзбекистон Республикаси гимни янгради.

Шундан сўнг сўзга чиққан  Ш.Рашидов туманидаги “Қуёшсевар Парда” фермер хўжалиги раҳбари, Ўзбекистон қахрамони Парда Зиётов, Ш.Рашидов тумани 29-сонли умумтаълим мактаби директор ўринбосари Акмал Пўлатовлар атоқли давлат арбоби ва ёзувчи Шароф Рашидовнинг ҳаёти, амалга оширган ишлари, тарихий ҳақиқатнинг тикланганлиги тўғрисида тўлқилланиб гапиришди.

Муросасиз, шу билан бирга дўстона муҳитда ўтган мусобақалар якунига кўра 1-ўрин учун диплом, Ш.Рашидов сиймоси туширилган чинни кубок ва эсдалик совғалари Ш.Рашидов туманининг 50-сонли умумтаълим мактаби мини-футбол жамоасига топширилди. Турнирда фахрли 2-ўринни эгаллаган Ш.Рашидов туман тиббиёт бирлашмаси ва 3-ўринни олган            29-сонли умумтаълим мактаби спорт жамоаларига диплом ва эсдалик совғалари тантанали топширилди.