Спорт мусобақаси

Жиззах политехника институти маъмурияти  ва касаба уюшма қўмитасининг қўшма тадбирларига мувофиқ Мустақиллик байрами арафасида институт профессор-ўқитувчилари ўртасида турли маданий ва спорт тадбирлари ўтказиш ананага айланган.  Ўтган 2015 йилнинг июн ойида институт кафедраларининг профессор-ўқитувчилари ўртасида спортнинг мини-футбол тури бўйича кўчма кубок мусобақаси эълон қилинди.

Жорий йилда ушбу мусобақа Ўзбекистон Республикаси давлат мустақиллигининг йигирма беш йиллик байрамига бағишланган бўлиб, унда 25-30 июнь кунлари 16 та кафедранинг 160 нафар профессор-ўқитувчилари қатнашди. Мусобақада 1-ўринни олий математика кафедраси, 2-ўринни метрология кафедраси ва 3-ўринни ер усти транспорт тизимлари кафедраси жамоалари эгаллашди.

Ғолиб жамоаларнинг 30 нафар аъзолари касаба уюшма қўмитасининг эсдалик совғалари ва маъмуриятнинг пул мукофатлари билан тақдирландилар.