“Спорт-саломатлик гарови” спартакиадаси мусобақаларининг вилоят босқичи ўтказилди.

Жиззах шаҳрида “Спорт-саломатлик гарови” шиори остидаги Республика спартакиадаси мусобақаларининг вилоят босқичи ўтказилди. Ўзбекистон касаба уюшмалари Федерацияси  Кенгаши Раёсатининг 2017 йил 9 январдаги “Спорт-саломатлик гарови” шиори остида республика спартакиадасини ўтказиш тўғрисида”ги 5-57 “с” сонли қарорига асосан  вилоят корхона, ташкилот ва муассасаларида фаолият кўрсатаётган ишчи-ходимлар ўртасида спортнинг 6 та тури бўйича биринчи ва иккинчи босқич мусобақалари январь ва февраль ойларида ўтказилган эди.

Спартакиаданинг вилоят босқичи Жиззах шаҳрининг 16 сонли  умумтаълим  мактаби  спорт мажмуаси ва “Ўрда санаторийси сузиш ҳавзасида жорий йилнинг 4 март куни ўтказилди. Мусобақаларни вилоят касаба уюшма ташкилотлари бирлашмаси Кенгашининг раиси ўринбосари А.Ихтиёров кириш сўзи билан очиб берди.

 Муросасиз  ва  дўстона муҳитда ўтган мусобақаларда вилоятнинг 13 та шаҳар ва туманларидан келган 209  нафар ҳаваскор спортчилар фаол иштирок этишди. Умумжамоа ҳисобида учта 1-ўрин ва учта 2-ўринни эгаллаган Пахтакор тумани жамоаси биринчи ўринни, иккита 1-ўрин, учта 2-ўрин ва учта 3-ўринни эгаллаган Жиззах шаҳри жамоаси иккинчи ўринни, иккита 1-ўрин  ва  битта 2-ўринни эгаллаган Арнасой тумани жамоаси учинчи ўринларни эгаллашди.

Аёллар волейболи бўйича биринчи ўринни эгаллаган энг узоқ чўл туманларидан Арнасой тумани волейбол жамоаси кўрсатган қизиқарли ўйинлари спартакиада иштирокчиларида яхши таасуротлар қолдирди.