ЯНГИ ЎЗБЕКИСТОН – ЯНГИ САЙЛОВЛАР

Ўзбекистон Республикаси Олий Мажлис Қонунчилик палатаси ва халқ депутатлари маҳаллик кенгашлари учун ўтказиладиган сайловларга саноқли кунлар қолди. Биз у ёки бу номзодга овоз бериш орқали келажагимизни белгилаймиз. Шу муносабат билан аҳолининг фуқаролик позициясини тўлақонли намойиш этиш учун юртимизнинг барча марказий майдонларида «Янги Ўзбекистон – Янги сайловлар» миллий акцияси ўтказилди.

Шу жумладан Жиззах шаҳри марказидаги Мустақиллик майдони ҳамда барча туманлар марказларида мазкур байрам акцияси кўтаринки руҳда ўтди.

Ушбу тадбирда Жиззах вилоят ҳокими ўринбосари Б.Тўхтамишев, вилоят сайлов комиссияси раиси, вилоят касаба уюшмалари ташкилотлари бирлашмаси Кенгаши раис ўринбосари А.Ихтиёров ҳамда “Юксалиш” умуммиллий ҳаракати Жиззах вилоят ҳудудий бўлинмаси раҳбари Ҳ.Абдуниязовлар сўзга чиқиб акция иштирокчиларига сайловга оид фойдали маълумотлар беришди.

Бундан ташқари пойтахтдан ташриф буюрган эстрада юлдузлари, санъаткорлар ташрифи ҳамда турли танлов ва викториналар ташкил этлгани акциянинг янада қизиқарли бўлишини таъминлади.