Жиззах вилоят касаба уюшмалари ташкилотлари бирлашмаси Кенгашига қарашли Ш.Рашидов номли оромгоҳда 3-босқичнинг тантанали ёпилиш маросими ўтказилди

2017 йилнинг 13 июль куни вилоят бирлашмаси Кенгашига қарашли Ш.Рашидов номли оромгоҳда мавсумнинг 3-босқичи ёпилиш маросими тантанали ўтказилди. Оромгоҳга Зарбдор туманидан, Жиззах шаҳри ва Ш.Рашидов туманининг “Уобсой” қишлоғидан ташриф буюрган меҳмонлар мавсумнинг учинчи босқичи ёпилиш маросимида болаларнинг Она Ватанга, ўз ота-онаси ва яқинларига бўлган муҳаббатини, садоқатини мустаҳкамлашга хизмат қилувчи адабий-мусиқий композициялар, қўшиқ ва рақслар намойиш этилганлигининг гувоҳи бўлишди.

Мавсум давомида оромгоҳда болаларнинг соғлигини мустаҳкамлашга, тўйимли овқатланишига ва озиқ-овқат махсулотлари ҳавфсизлигига алоҳида эътибор қаратилиб келинмоқда. Дам олувчи болалар учун ҳар куни тўрт маҳалдан иссиқ овқат,  ётиш олдидан 250 грамдан қатиқ билан булочкалар бериб борилмоқда.

Вилоят касаба уюшмалари ташкилотлари бирлашмаси Кенгашига қарашли Ш.Рашидов номли оромгоҳ бу йилги ёз мавсумида олти босқичда ишлаши ва 22  августгача фаолият юритиб, вилоятнинг 642 нафар болаларни соғломлаштириши режалаштирилган.