Жиззах вилояти Зомин туманининг “Ём” қишлоғида жойлашган “Мурувват” уйига электр маиший жихоз топширилди

Bилоят касаба уюшмалари ташкилотлари бирлашмаси ходимлари ва Ёшлар кенгаши аъзолари ҳамкорликда Мустақилликнинг 27 йиллиги умумхалқ байрами арафасида Зомин тумани “Истиқлол” ҚФЙ ҳудудида жойлашган “Мурувват” уйида бўлиб, муассаса ходимлари ва даволанувчилар холидан хабар олишди.

Учрашув вақтида вилоят бирлашмаси Кенгаши вакиллари муассаса шифокор ва ҳамшираларини ҳамда даволанувчиларни яқинлашиб келаётган Мустақиллик байрами билан самимий табриклашди ва даволанаётган хотин-қизлар фойдаланиши учун 40 литрлик электр самовари байрам совғасини  тантанали топширишди.

Суҳбат вақтида “Мурувват” уйи маъмурияти ва касаба уюшма қўмитаси аъзолари ушбу муассаса фаолияти, жамоада Мустақиллик байрамини тантанали нишонлаш бўйича олиб борилаётган тайёргарлик ишлари ҳамда ўтказиладиган байрам маданий тадбирлари тўғрисида сўзлаб беришди.