“Касаба уюшмалари куни” арафасида фаҳрийлар ва ходимларнинг Самарқанд шаҳрига саёҳати уюштирилди

Ўзбекистон касаба уюшмалари Федерацияси Ижроия қўмитасининг 2021 йил 08 январдаги 2-05 “с” сонли қарорига асосан 2021 йилнинг 6-7 ноябрь кунлари Жиззах вилоят касаба уюшмалари тизимида узоқ йиллар меҳнат қилган ва ҳозирда қарилик гаштини сураётган фаҳрийлар ҳамда вилоят Кенгашида бугунги кунда фаолият кўрсатиб келаётган бир гуруҳ саёҳатчилар Самарқанд шаҳрида бўлиб қайтишди.

 11 ноябрь “Касаба уюшмалари куни” байрами арафасида ташкил этилган ушбу саёҳат навқирон Самарқанд шаҳрининг “Регистон майдони”, “Гўр-Эмир” комплекси, “Улуғбек расадхонаси”, биринчи Президентимиз Уй-музейи, “Махдуми Аъзам” мажмуаси бўйлаб давом этди ва барча саёҳат иштирокчилари хотирасида ўчмас таасуротлар қолдирди.

Шунингдек, саёҳатчилар Хамид Олимжон номли Самарқанд драма театрида бўлиб, “Фарзандлар меҳри” номли спектаклни томоша қилдилар.