2015 йил 7 октябрь “Бутунжаҳон муносиб меҳнат куни”

          Тадбир Дастурига кўра давра суҳбатига касаба уюшма фаоллари, Меҳнат ва аҳолини ижтимоий муҳофаза қилиш вилоят бошқармаси, Ўзбекистон Савдо-саноат палатаси ҳудудий бошқармаси, табиатни муҳофаза қилиш ҳудудий қўмитаси, вилоят ташкилотлари, фуқаролик жамияти институтлари вакиллари ва оммавий ахборот воситалари ходимлари иштирок этишди.

         Давра суҳбатини Жиззах вилоят касаба уюшма ташкилотлари бирлашмаси кенгаши раиси Н.Пардаев қисқача кириш сўзи билан очди ва “Касаба уюшмаларининг муносиб меҳнат концепсиясини амалга оширишдаги фаолияти” мавзусида маъруза қилди.

          Шунингдек тадбирда вилоят ҳудудида пахтачиликда болалар меҳнати ва мажбурий меҳнат бўйича Учинчи томон мониторингида иштирок этаётган Ҳалқаро меҳнат ташкилоти эксперти С.Егорова иштирок этди ва Ҳалқаро Меҳнат ташкилотининг муносиб меҳнат концепцияси юзасидан чиқиш қилди.

          Маърузалар  юзасидан эса Меҳнат ва аҳолини ижтимоий муҳофаза қилиш бош бошқармаси бошлиғи ўринбосари Б.Яхшибоев “Аҳолини иш билан таъминлаш, ходимларнинг ижтимоий ҳимояси ва меҳнат муҳофазаси масалаларида меҳнат ва аҳолини ижтимоий муҳофаза қилиш бошқармаси органларининг фаолияти”, Савдо-саноат палатаси ҳудудий бошқармаси бўлим мудири Т.Шукуров “Бизнеснинг ижтимоий масъулияти” ҳамда  МЧЖ шаклидаги “Жиззах-Пластекс” Қўшма корхонаси бошланғич касаба уюшмаси раиси О.Холжўраев “Чет эл инвеститциялари иштирокидаги корхоналарда муносиб меҳнат шароитлари” мавзулари билан фикр алмашишди.

          Давра суҳбати кун тартибидаги мавзуга тегишли савол-жавоб ва баҳс-мунозаралар остида ўтди.