Жорий йилнинг 2 декабрь куни Жиззах вилоятининг Ғаллаорол ва Жиззах туманларида Конституция кунига бағишланган спорт мусобақалари ўтказилди

Таълим, фан ва маданият ходимлари касаба уюшмаси Галлаорол туман кенгаши ташаббуси билан туман ёшлари ўртасида спортнинг оммавийлигини ошириш мақсадида Ўзбекистон Республикаси Конституцияси қабул қилинганлигининг 23 йиллиги арафасида спортнинг  бокс  тури  бўйича мусобақалар ўтказилди. 2000-2001  йилларда  туғилган  ўсмирлар ўртасида ўтказилган туман мусобақаларида 42 кг вазн тоифасида Ашуров Сардор, 44 кг вазн тоифасида Холмуродов  Самандар,  60 кг  вазн  тоифасида  Худойбердиев  Шахзодлар   биринчи ўринни эгалладилар. Ғолиблар ва мусобақа совриндорларига ташкилотчилар томонидан 390.0 минг сўмлик эсдалик совғалари топширилди. Жиззах туманидаги 14-сонли умумтаълим мактаби спорт комплексида туманнинг 92 нафар мактаб раҳбар ходимлари ўртасида футбол, волейбол, шахмат ва шашка турлари бўйича спорт мусобақалари ташкил этилиб, мусобақа ғолиблари ва совриндорларига дипломлар ва эсдалик совғалари топширилди. Конституция байрами арафасида таълим, фан ва маданият ходимлари касаба уюшмаси Жиззах туман кенгаши томонидан ташкил этилган ушбу мусобақаларга касаба уюшма бюджетидан  3500.0 минг сўм маблағ ажратилди.