Конституциясиямизнинг 23 йиллигига бағишланган тадбирлар ўтказилши давом этмоқда.

2015 йил 2 декабрь куни Зомин туман тиббиёт коллежида “Биз   “Оммавий маданият”ни қоралаймиз!” мавзусида семинар-тренинг бўлиб ўтди. Тажрибали педагоглар олиб борган ушбу семинар-тренингда 100 нафардан ортиқ ёшлар иштирок этди. Тадбир давомида иштирокчилар учун мавзуга оид видео ролик намойиш этилди. Зомин туман халқ таълими, маънавият ва маърифат тарғибот бўлими, туман Хотин-қизлар қўмитаси, ички ишлар бўлими ҳамда касаба уюшмалари туман кенгаши ҳамкорлигида байрам арафасида Зомин педагогика коллежида   “Одам савдоси – давр муаммоси” мавзусида давра суҳбати бўлиб ўтди. Давра  суҳбатида 72 нафар ўқувчи ёшлар иштирок этишди. Байрам арафасида Даштобод мусиқа ва санъат мактабида “Биз ёшлар оммавий маданият ва маънавий таҳдидларга қаршимиз” мавзусида давра суҳбати ташкил этилди. Ушбу тадбирларда намойиш этилган “Мафтункор тузоқ” номли видеофильм тадбир иштирокчиларининг ўзаро бахслашишига, ўз фикрларини тўлароқ билдиришларига замин яратмоқда. Ўқувчилар ўзларини қизиқтирган барча саволларга атрофлича жавоблар олдилар.