Янги йилда “Эртаклар оламида”

Жиззах  вилояти  Зарбдор  тумани  Бўстон  шаҳарчасида  жойлашган  “Кар болалар махсус мактаб-интернати” тарбияланувчилари учун Янги йил байрам тадбири ўтказилди. 2015 йил 26 декабрь куни ўтказилган ушбу байрам тадбирида Махсус мактаб интернатнинг 130 нафар эшитиш қобилиятини йўқотган тарбияланувчилари, тадбирга ташриф буюрган ота-оналари ва яқинлари, вилоят касаба уюшма ташкилотлари бирлашмаси Кенгаши  ходимлари иштирок этди. Байрам тадбирида Мактаб-интернат кутубхонасига вилоят бирлашмаси Кенгашининг қиймати 649,9 минг сўмлик бадиий ва эртак китоблари тантанали топширилди. Тадбирнинг бадиий қисмида мактаб-интернат ходимлари сахналаштирган “Эртаклар оламида” спектакли ҳамда тарбияланувчиларнинг қўшиқ, рақс ва шеърлари намойиш этилди.