«Соғлом оила» шиори остида оилавий спорт мусобақаларининг туман ва шаҳар босқичлари бўлиб ўтмоқда.

Жорий йилнинг 13 февраль куни Фориш, Арнасой ва Ғаллаорол туман спорт мажмуаларида “Соғлом оила” шиори остида оилавий спорт мусобақаларининг иккинчи босқичи ўтказилди. Таълим, фан ва маданият, агросаноат мажмуи, тиббиёт, давлат муассасалари ва жамоат хизмати ходимлари касаба уюшма туман кенгашлари ва бошқа тармоқ қўмиталарининг қўшма тадбирлари асосида ташкил этилган оилавий спорт мусобақаларида 50 дан ортиқ оилавий гуруҳлар иштирок этишди. Мазкур мусобақаларда оилавий жамоалар ўз маҳоратини, бир-бирига ҳурмат, меҳр-оқибат ва аҳиллик фазилатларини намойиш этишди. Ота-оналарининг ғалабага бўлган иштиёқини кўрган фарзандларда ўз мақсади сари интилиш, иродали бўлиш каби ҳислатлари намоён бўлди. Дўстона руҳда ўтган оилавий беллашувларда фаҳрли ўринларни эгаллаган совриндорлар ва номинациялар бўйича ғолиблар қимматбаҳо совғалар ва дипломлар билан тақдирландилар.