9 май – Хотира ва қадрлаш куни

Жиззах давлат педагогика институти касаба уюшма кўмитасининг иш режасига асосан институтда меҳнат қилаётган профессор-ўқитувчилар, ходимлар ва талабалар ўртасида 9 май умумхалқ байрами – Хотира ва қадрлаш кунига бағишланган “Хотира турнири” ўтказилди. “Хотира турнири” тасдиқланган Низом асосида факултетлар ўртасида босқичма-босқич 19 апрелдан 7 майга қадар ташкил этилди. Турнирга тайёргарлик жараёнида қўшма қарор қабул қилинди, унинг мазмун-моҳиятини барча ходимлар эътиборига тўлиқ етказиш учун тарғибот ишлари йўлга қўйилди. Шунинг натижасида футбол, волейбол, мини-футбол, шахмат ва шашка спорт турлари бўйича ўтказилган “Хотира турнирига” институтда фаолият кўрсатаётган профессор-ўқитувчилар, ходимлар ва талабаларнинг кенг қатламини жалб этишга эришилди. Турнир ўтиш жараёнида педагогика факультети Мусиқа таълими методикаси кафедраси профессор-ўқитувчилари ва талабалари иштирокида турли маданий маданий тадбирлар, концерт дастурлари ташкил этилди. “Хотира турнири” 7 май куни тантанали якунланди, ғолиблар ва номинантлар аниқланиб, институт маъмурияти ва касаба уюшма қўмитасининг дипломлари ва эсдалик совғалари билан тақдирландилар.