«Мурувват ҳамда Меҳрибонлик уйлари касаба уюшмалари эътиборида»

Ўзбекистон Республикаси Президентининг 2014 йил 6 февралдаги ПҚ-2124-сон Қарори билан тасдиқланган “Ўзбекистон Республикаси 2014 йил йилда ёшларга оид давлат сиёсатини амалга оширишга қаратилган чора-тадбирлар Дастури”нинг 26-банди, 19 февралдаги ПҚ-2133-сон Қарори билан тасдиқланган “Соғлом бола йили” Давлат дастурининг тадбирларининг 56, 114-бандлари ижросини таъминлаш ҳамда Халқаро болаларни ҳимоя қилиш куни байрами муносабати билан “Касаба уюшмалари-болаларга” акцияси ўтказилди.

Акция тадбирида Жиззах вилоят касаба уюшма ташкилотлари бирлашмаси кенгаши маданий-маърифий ва спорт ишлари бўлими мудири Ш.Бахриддинов байрам иштирокчиларини табриклади.

Тадбир давомида вилоят халқ таълими бошқармасига қарашли Жиззах шахридаги 29 сон Меҳрибонлик уйига Ўзбекистон касаба уюшма Федерация кенгашининг эсдалик совғаси- бир дона компьютер жамламаси (принтер 3в1 билан) Ёшлар кенгаши аъзолари томонидан топширилди.

Тадбир сўнгида вилоят ҳарбий қисмларининг кўргазмали чиқишлари ҳамда Жиззах шаҳридаги 1-сонли болалар мусиқа ва санъат мактаби  баъдий ижодий гуруҳи иштирокида маданий тадбир уюштирилди.