Жиззах вилоят касаба уюшма ташкилотлари бирлашмаси кенгашида 2014 йил 7 октябрь “Бутунжаҳон муносиб меҳнат куни”га бағишланган давра суҳбати

Тадбир Дастурига кўра давра суҳбатига касаба уюшма фаоллари, Меҳнат ва аҳолини ижтимоий муҳофаза қилиш вилоят бошқармаси, Ўзбекистон Савдо-саноат палатаси ҳудудий бошқармаси, табиатни муҳофаза қилиш ҳудудий қўмитаси, вилоят ташкилотлари, фуқаролик жамияти институтлари вакиллари, ва оммавий ахборот воситалари ходимлари иштирок этишди. 
  Давра суҳбатини Жиззах вилоят касаба уюшма ташкилотлари бирлашмаси кенгаши раиси ўринбосари А.Ихтиёров қисқача кириш сўзи билан очди ва “Касаба уюшмаларининг муносиб меҳнат концепсиясини амалга оширишдаги фаолияти” мавзусида маъруза қилди. 
  Маъруза юзасидан Меҳнат ва аҳолини ижтимоий муҳофаза қилиш бош бошқармаси бўлим мудири А.Қаршибоев “Аҳолини иш билан таъминлаш, ходимларнинг ижтимоий ҳимояси ва меҳнат муҳофазаси масалаларида меҳнат ва аҳолини ижтимоий муҳофаза қилиш вазирлиги органларининг фаолияти” , Савдо-саноат палатаси ҳудудий бошқармаси бўлим мудири Т.Шукуров “Бизнеснинг ижтимоий масъулияти” ҳамда Табиатни муҳофаза қилиш ҳудудий қўмитаси вакили К.Қаршибоев эса “2013-2017 йилларда Ўзбекистон Республикасида атроф-муҳит муҳофазаси бўйича ҳаракатлар Дастури” тўғрисидаги мавзулари билан фикр алмашишди.
  Давра суҳбати кун тартибидаги мавзуга тегишли савол-жавоб ва баҳс-мунозаралар остида ўтди.