Вилоятда Ўзбекистон Республикаси Конституцияси қабул қилинган куннинг 22 йиллигига бағишланган тадбирлар бўлиб ўтмоқда.

Мусобақада 5 та мактабгача таълим муассасалари, туман халқ таълими муассасалари фаолиятини методик таъминлаш ва ташкил этиш бўлими, 18-сонли Болалар мусиқа ва санъат мактаби, спорт мактаби, Баркамол авлод болалар маркази, маданият ва спорт ишлари бўлимининг 54 нафар ишчи – ходимлари қатнашишди.

Тадбир якунида ғолиблар таълим, фан ва маданият ходимлари касаба уюшмаси туман Кенгаши, халқ таълими муассасалари фаолиятини методик таъминлаш ва ташкил этиш туман бўлими, туман маданият ва спорт ишлари бўлимининг эсдалик совғалари ва дипломлари билан тақдирландилар. Шунингдек мусобақада фаол иштирок этган 15 нафар қатнашчиларга номинациялар бўйича эсдалик совғалари топширилди.

Спорт мусобақасининг иштирокчилари учун Фориш туман маданият ва ахоли дам олиш маркази бадиий жамоасининг чиқишларини ташкил этилди.