Жиззах вилоят Бахмал туманидаги 23241-рақамли ҳарбий қисмда маданий тадбир ўтказилди

Жорий йилнинг 28 декабр куни Бахмал туманининг тоғли ҳудудида жойлашган 23241-рақамли ҳарбий қисмда ўтказилган байрамолди тадбирида ҳарбий қисмларнинг офицер, сержант ва аскарлари, уларнинг оила аъзолари иштирок этишди.

Ҳарбий қисмнинг кенг ва ёруғ залида ўрнатилган катта янги йил арчаси атрофида харбий қисм хизматчилари, аскарлари, харбий хизматчилар оилалари ва болажонлар иштироқида концерт дастури намоиш этилди. Айниқса, моҳир педагог-мураббийлар ёрдамида жажжи болажонлар, харбий хизматчилар ва аскарлар томонидан тайёрланган ва ижро этилган шеърлар, қўшиқлар, пантомималар иштирокчиларда катта таъсурот қолдирди.

“Касаба уюшмалари-харбийларга” ва “Касаба уюшмалари- болаларга” акциялари доирасида “Қорбобо” ва “Қорқиз” иштирокида вилоят касаба уюшмалари ташкилотлари бирлашмаси Кенгаши томонидан харбий қисм харбий хизматчиларининг 200 нафар фарзандларига Янги йил совғалари топширилди.

Байрам тадбирига таклиф этилган вилоят Қўғирчоқлар театри артистлари намойиш этган “Қўғирчоқлар концерти” тадбир қатнашчиларининг гулдурос қарсак ва олқишларига сазовор бўлишди.