Хизмат вақтида ҳалок бўлган ҳарбий хизматчилар оилаларидан хабар олинди

Жиззах вилоят касаба уюшмалари ташкилотлари бирлашмаси Кенгаши томонидан Республика суверенитети ва мустақиллигини ҳимоя қилишда хизмат вазифасини бажариш вақтида ҳалок бўлган Мудофаа ва Ички ишлар вазирлиги хизматчилари, кам таъминланган ва ногирон оилалар хонадонларидан хабар олинди.

Ўзбекистон Республикаси суверенитети ва мустақиллигини ҳимоя қилишда хизмат вазифасини бажариш вақтида ҳалок бўлган Мудофаа ва Ички ишлар вазирлиги хизматчиларининг, Ўзбекистон Кўзи Ожизлар Жамияти Жиззах вилоят бўлимида мехнат қилаётган ногирон ходимларининг, Бахмал туманидаги ногирон оилаларнинг ногирон фарзандларига ҳамда Жиззах шахри “Қассоблик” маҳалласида истиқомат қилувчи кам таъминланган, эҳтиёжманд оилалар фарзандларига касаба уюшмалари вилоят бирлашмаси Кенгашининг Янги йил совғалари топширилди.