Касаба уюшмалари спорт мусобақаси

Жорий йилнинг 28 сентябр куни Жиззах вилоят касаба уюшмалари ташкилотлари бирлашмаси Кенгаши томонидан Ўзбекистон Республикаси Президенти Шавкат Мирзиёевнинг 5 та муҳим ташаббусини амалга ошириш бўйича белгиланган вазифалар ижроси юзасидан “Юрт тараққиёти йўлида бирлашайлик” шиори остида спортнинг мини-футбол йўналиши бўйича касаба уюшмалари тизимида фаолият кўрсатаётган ходимлар ўртасида мусобақа ташкил этилди.

Муросасиз ва дўстона тарзда ўтган мусобақада биринчи ўрин Истеъмол товарларини ишлаб чиқариш, савдо ва хизмат кўрсатиш ташкилотлари ходимлари касаба уюшмаси жамоасига, иккинчи ўрин Агросаноат мажмуи ходимлари касаба уюшмаси жамоасига насиб этди. Ғолиб ва совриндорлар Ташкилий қўмита томонидан ташкил этилган Касаба уюшмалари кубоги ва эсдалик совғалар билан тақдирланди.

Шуниндек мусобақада Ташкилий қўмита томонидан “Энг ёши улуғ ўйинчи”, “Энг яхши дарвозабон” ва “Энг яхши ўйин ташкилотчиси” номинациялари учун ҳам эсдалик совғалар топширилди.