“Конституциямиз – ҳуқуқ ва эркинликларимиз, фаровонлигимиз кафолати” мавзусида маънавият соати ўтказилди

Жиззах вилоят истеъмол товарлари ишлаб чиқариш, савдо ва хизмат кўрсатиш ташкилотлари ходимлари касаба уюшмаси тармоқ тизимидаги барча корхона ва ташкилотларда конституция  куни муносабати билан байрам тадбирлари уюштирилди.

Жиззах шаҳридаги Жиззах енгил саноат касб ҳунар коллежи касаб уюшмаси томонидан жорий йилнинг 6 декабрь куни ўқитувчи аёллар жамоалари алоҳида, эркаклар жамоалари алоҳида Конституцияси қабул қилинганлигининг йигирма тўрт йиллигига бағишлаб спортнинг волейбол тури бўйича мусобақаси ҳамда “Конституция – бахтимиз қомуси” мавзусида байрам тадбири ўтказилди. Ушбу мусобақада аёллар 5 кишидан иборат 3 та жамоага бўлиниб, эркаклар ҳам 5 кишидан иборат 4 та жамоага бўлиниб ғолиблик учун кураш олиб боришди. Мусобақа сўнгида ғолибларга фахрий ёрлиқ, эсталик учун қимматбаҳо совғалар топширилди. Ушбу мусобақани ўтказиш учун касба уюшмаси томонидан 300,0 минг сўм миқдорида маблағ сарфланди.

Жиззах туманидаги Жиззах маиший хизмат касб ҳунар коллежида жорий йилнинг 6 декабрь куни касаба уюшмаси томонидан Конституцияси қабул қилинганлигининг йигирма тўрт йиллигига бағишлаб ўқувчилар ўртасида ҳарбий спорт турлари бўйича мусобақа ҳамда “Конституция – бахтимиз қомуси” мавзусида байрам тадбири ўтказилди. Мусобақада ўқувчилар 6 кишидан иборат 4 та гуруҳга бўлиниб ўзаро беллашишди. Мусобақа сўнгида ғолибларга фахрий ёрлиқ ва эсталик совғалари топширилди.

Бахмал туманидаги маиший хизмат касб ҳунар коллежида ҳам жорий йилнинг 6 декабрь куни Конституцияси қабул қилинганлигининг йигирма тўрт йиллигига бағишлаб “Конституциямиз – ҳуқуқ ва эркинликларимиз, фаровонлигимиз кафолати” мавзусида маънавият соати ўтказилди. Ушбу ўтказилган маънавият соатларида коллежнинг 60 нафардан зиёд коллеж жамоаси иштирок этишди.