“Менинг келажакдаги иш жойим” акцияси

          Ўзбекистон Республикаси Президентининг “Ишлаб чиқариш корхоналари ва олий таълим муассасалари ўртасидаги интеграцияни мустаҳкамлаш ва таълим сифатини яхшилаш тўғрисида”ги Қарорлари ҳамда Ўзбекистон касаба уюшмалари Федерациясининг 2021 йилда ёшларга оид сиёсатини амалга оширишга қаратилган чора-тадбирлар Дастури ижроси юзасидан “Менинг келажакдаги иш жойим” акцияси доирасида Ш.Рашидов туман 1-сон касб ҳунар мактаби ва Жиззах хизмат кўрсатиш ва сервис техникуми 35 нафар ўқувчиларининг Жиззах эркин иқтисодий зонасидаги қўшма корхоналар фаолияти билан таништириш мақсадида, “ROISON HOME WHITE” қўшма корхонаси, “Jizzax-Toshtepa Textile” МЧЖ ҳамда “Jizzax-Kenteks” МЧЖларга ташрифи ташкил этилди.

          Ушбу ташриф давомида ёшларни кичик бизнес ва хусусий тадбиркорликка кенг жалб қилиш, келажакда муносиб иш жойини топишларига кўмаклашиш мақсадида, “ROISON HOME WHITE” қўшма корхонаси 3 нафар битирувчи талабаларни корхонага ишга таклиф этган бўлса, “Jizzax – Kenteks” МЧЖ маъмурияти ва мактаб битирувчи ўқувчиларининг ишлаб чиқариш амалиётини корхонада ўташ бўйича ўзаро келишиб олишди.