Самарқанд шаҳрига туристик саёҳат

Ўзбекистон касаба уюшмалари Федерацияси Кенгаши Раёсатининг 2016 йил 16 февралдаги “Ўзбекистон касаба уюшмалари Федерацияси Кенгашининг “Соғлом она ва бола йили” дастури тўғрисида”ги 2-16-“с”- сонли ҳамда 2016 йил 22 январдаги “Ўзбекистон касаба уюшмалари Федерацияси тизимида туризм фаолияти самарадорлигини янада ошириш тўғрисида”ги 1-8- сонли қарорлари ҳамда Жиззах давлат педагогика институти касаба уюшма қўмитасининг иш режаси ва “Соғлом она ва бола йили” дастури ижросини таъминлаш мақсадида институт касаба уюшма қўмитаси томонидан институтда кўп йилллардан буён самарали фаолият олиб бораётган профессор-ўқитувчилар ва ходимлар, шунингдек таълим-тарбия жараёнида фидоийлик билан меҳнат қилаётган, илмий-педагогик ютуқларга эришаётган илғор ходимларни ҳар томонлама қўллаб-қувватлаш ва рағбатлантириш мақсадида жами 80 нафар ходимларнинг қадимий ва тарихий обидаларга бой Самарқанд шаҳрига саёҳати уюширилди. Саёҳат давомида ушбу кўҳна заминдаги ота-боболаримиз томонидан бунёд этилган барча тарихий обидалар билан биргаликда мустақиллик йилларида янгидан барпо этилган бино ва иншоотларни томоша қилишлари учун яна бир бор имконият яратилди. Саёҳат давомида барча ходимлар хавфсизлигини таъминлаш, уларга қулай шароит яратиб беришга алоҳида эътибор қаратилди. Тадбир якунида барча ходимлар саёҳат давомида олган таасуротлари, кўрсатилган маънавий имконият учун институт касаба уюшма қўмитаси ва раҳбариятига ташаккурнома билдиришди.