Ш.Рашидов номли болалар оромгоҳида ёзги дам олиш мавсумининг учинчи босқичи бошланди.

2016 йилнинг 30 июнидан Жиззах вилоят касаба уюшма ташкилотлари бирлашмаси Кенгашига қарашли Ш.Рашидов номли болалар оромгоҳида ёзги дам олиш мавсумининг учинчи босқичида  108  нафар болалар қабул қилинди.

Ёзги соғломлаштириш мавсумини вилоятда биринчи бўлиб бошлаб берган Ш.Рашидов номли оромгоҳда шу кунгача 200 нафар Жиззах шаҳри ва туманлар мактаб ўқувчилари дам олдирилди. Болаларнинг дам олиш вақтини сермазмун ўтказиш, уларнинг ҳам жисмоний ҳам руҳий жиҳатдан хордиқ чиқаришлари учун барча шароит ва имкониятлардан унумли фойдаланишаётган педагог-тарбиячи ходимлари оромгоҳда болалар учун кўплаб маданий-маърифий ва спорт-соғломлаштириш тадбирларини ўтказишмоқда. Шунингдек, иккинчи босқич даврида оромгоҳга вилоят қўғирчоқ театри ижодий труппаси ташриф буюриб, болалар учун бир нечта қизиқарли ўзбек ҳалқ эртаклари асосида тайёрланган спектакллар намойиш этишди. Ш.Рашидов номли оромгоҳда 4-босқичда Зарбдор, 5-босқичда Пахтакор туманлари, 6-босқичда Жиззах шаҳри болаларини дам олдирилиши режалаштирилган.