Зомин туманининг “Ём” қишлоғида жойлашган “Мурувват” уйига ҳомийлик ёрдами кўрсатилди

Жорий йилнинг 16 март куни вилоят касаба уюшмалари ташкилотлари бирлашмаси ходимлари ва Ёшлар кенгаши аъзолари ҳамкорликда Наврўз умумхалқ байрами муносабати билан Зомин тумани “Истиқлол” ҚФЙ ҳудудида жойлашган “Мурувват” уйида бўлиб, муассаса ходимлари ва даволанувчилар холидан хабар олишди.

Учрашув вақтида вилоят бирлашмаси вакиллари муассаса шифокор ва ҳамшираларини ҳамда даволанувчиларни яқинлашиб келаётган Наврўз байрами билан самимий табриклашди ва даволанаётган хотин-қизлар учун вилоят бирлашмаси Кенгашининг 80 жуфт оёқ кийимлари-тапочкаларни байрам совғаси сифатида топширишди.

Шундан сўнг, “Мурувват” уйи маъмурияти ва касаба уюшма қўмитаси аъзолари жамоада Наврўз байрамини тантанали нишонлаш учун олиб борилаётган тайёргарлик ишлари, ўтказиладиган сумалак сайли ва маданий тадбирлар тўғрисида сўзлаб беришди.