Жиззах вилоят касаба уюшмалари ташкилотлари бирлашмаси кенгаши

2012 йил 20 апрелда Жиззах вилоят касаба уюшма ташкилотлари бирлашмаси кенгаши раёсатининг навбатдан ташқари йиғилишида 2012 йил  I-чорагида меҳнатни мухофаза қилиш юзасидан вилоят касаба уюшма ташкилотларининг  олиб борган ишлари ва бу соҳадаги камчиликлар хақидаги масала кўриб чиқилди. Раёсат мажлисида мехнатни мухофаза қилиш борасида вилоят касаба уюшма ташкилотларининг олиб борган  ишлари танқидий муҳокама қилиниб, бу борадаги вазифалар белгилаб олинди.

Раёсат мажлисида вилоят меҳнат ва аҳолини ижтимоий мухофаза қилиш бош бошқармаси бош  давлат мехнат техник инспектори И. Жабборов, "Ўздавэнергияназорат" инспексияси Жиззах худудий бўлими рахбари И. Саидмирзаев бу борада қилинаётган  ишлар ва касаба уюшмалари билан биргаликда қилинадиган ишлар кўлами хамда таклифлар билдирдилар.

2012 йил 5 апрелда Жиззах вилояти хокими ва вилоят касаба уюшма ташкилотлари бирлашмаси кенгаши раёсатининг "Вилоят мактаб ўқитувчиларининг 2012 йил ёзги соғломлаштириш мавсумини ташкил этиш тўғрисида" қўшма қарори қабул қилинди. Қарорда Ўзбекистон Республикаси Вазирлар Маҳкамасининг 2012 йил 10 мартдаги "Болаларни дам олишини ташкил этиш ва соғломлаштириш тизимини янада такомиллаштириш чора-тадбирлари тўғрисида" ги қарорини бажаришни таъминлаш юзасидан вилоятдаги барча мутасадди ташкилотларнинг вазифалари белгилаб берилди.

2012 йил 13 апрелда вилоят касаба уюшма ташкилотлари бирлашмаси кенгаши раёсатида "Болалар оромгоҳларини мавсумга тайёрлаш ва соғломлаштириш мавсумини ташкил этиш хақида" ги масала мухокама қилиниб, тегишли 8-18 сонли қарор қабул қилинди. Вилоят хокими ва вилоят касаба уюшма ташкилотлари бирлашмаси кенгаши раёсатининг 2012 йил 5 апрелдаги "Вилоят мактаб ўқувчиларининг 2012 йил ёзги соғломлаштириш мавсумини ташкил этиш тўғрисида"ги қўшма қарорини бажарилишини таъминлаш юзасидан тадбирлар белгиланди. Болалар оромгоҳларини мавсумга тайёрлаш хамда болаларни соғломлаштириш даврида юзага келадиган масала ва муаммоларни тезлик билан хал этиш чораларини кўриш учун вилоят касаба уюшма ташкилотлари бирлашмаси кенгаши раёсат аъзолари таркибида ишчи гурухи (оператив штаб) ташкил этилди. Вилоят бирлашмаси ва вилоят тармоқ кенгашлари масъул ходимлари барча оромгохларга беркитилдилар.

Жиззах вилоят касаба уюшма ташкилотлари бирлашмаси кенгаши Барчани эзгу ниятлар ва орзу-умидлар, янгиланиш ва яшариш, баҳор ва шодлик байрами Наврўзи олам билан самимий табриклайди.

Жиззах вилоят касаба уюшма ташкилотлари бирлашмаси  кенгашининг навбатдан ташқари V кенгаш йиғилиши бўлиб ўтди. Уни   бирлашмаси кенгаши раиси Нусратулло Пардаев олиб борди.

Жиззах вилоят касаба уюшма ташкилотлари бирлашмаси  кенгашининг навбатдан ташқари V кенгаш йиғилиши бўлиб ўтди. Уни   бирлашмаси кенгаши раиси Нусратулло Пардаев олиб борди.